Prokurori Artan Bajrami, që ishte pjesë e Prokurorisë së Apelit për Krime të Rënda, është nxjerrë nga sistemi. Kjo pasi Kolegji i Posaçëm i Apelimit ka lënë në fuqi vendimin për shkarkimin e prokurorit i cili nuk ka arritur të justifikojë pasurinë.
“Në përfundim të gjykimit në dhomë këshillimi, trupi gjykues, bazuar në nenin 66, pika 1, germa “a” e ligjit nr.84/2016, “Për rivlerësimin kalimtar të gjyqtarëve dhe prokurorëve në Republikën e Shqipërisë”, me shumicë votash, vendosi:
Lënien në fuqi të vendimit nr. 107, datë 14.02.2019 të Komisionit të Pavarur të Kualifikimit, që i përket subjektit të rivlerësimit Artan Bajrami,”-thuhet në njoftim.
Bajrami vendosi të apelonte vendimin e Komisionit të Pavaruar të Kualifikimit në muajin shkurt, por shpresa e tij është shuar edhe në KPA. Tani Artan Bajrami nuk do të jetë më pjesë e sistemit, ndërkohë që ai ishte prokurori që po hetonte dosjen e Dritan Dajtit në Apelin e Krimeve të Rënda, para shkarkimit nga KPA.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
