Tërheqjen e Dhomës së Avokatisë nga bojkoti i seancave gjyqësore, avokati Genc Gjokutaj nuk e sheh si humbjen e një beteje, por si avancimin e kauzës në një stad të ri. Në studion e lajmeve të MCN TV, Gjokutaj tha se avokatët zgjodhën t’i drejtohen gjykatës më të lartë në vend në momentin që drafti u kthye në VKM, pavarësisht kundërshtimit të fortë të tyre. Gjokutaj përsëriti se harta e re gjyqësore është cenim i reformës në drejtësi .
Greva e avokatëve nuk ishte një duel. Nuk është humbje beteje. Avokatët duke bërë avokatinë e çështjes së tyre, do të ndjekin në një stad tjetër ligjor projektin e hartës gjyqësore. Janë ndjekur të gjithë hapat e domosdoshëm për t’i bërë të qartë qeverisë që ky draft do të ketë impakt negativ në dhënien e drejtësisë për qytetarët. Ata janë koshientë se çfarë po bëjnë. Vazhdojnë me demagogji siç e nisën. Ajo që thotë zoti Manja është një anë krejt formale, autor i së cilës është KLGJ dhe Ministria e Drejtësisë.
Kjo është hera e parë që avokatët përballen me një projekt të qeverisë së gjyqësorit. Mjetet që përdorim janë demokratike, ne nuk mund t’i imponohemi KLGJ, por kjo qeveri ka 9 vjet që vazhdon përpara, pavarësisht qëndrimeve kundër. Po ju kujtoj këtu draftin e amnistisë fiskale dhe largimin e ambasadorëve.
Nëse deri më sot ne kishim një projekt, u përdor greva për t’i treguar qeverisë se kjo hartë është cenim i reformës në drejtësi. Ndërsa sot, qeveria pa përfillur avokatët, vendosi duke i dhënë formë zyrtare (VKM). Në këto kushte, greva nuk ka më kuptim. Ky VKM së bashku me hartën do të kontestohet në rrugë ligjore.
Nuk na duhet një hartë që e lëvdon qeveria. Ambasada që e lëvdon sot këtë hartë, nesër kur të kolapsojë sistemin, ajo e ka të lehtë të heshtë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
