Kthjellimet janë mbizotëruese në të gjithë vendin tonë në pjesën e parë të ditës, por në zonat e thella malore do të ketë herë pas here kalime të lehta të vranësirave.
Pjesa e dytë e ditës i bënë më të dukshme vranësirat, ku në zonat Verilindore dhe pjesërisht Lindore vranësirat do pësojnë zhvillime të përkohshme të cilat do të sjellin shira të pakët dhe të izoluar.
Sipas meteoalb, temperaturat e ajrit do të rriten ndjeshëm në mëngjes dhe në mesditë duke luhatur vlerat ditore nga 17°C deri në 38°C.
Era do fryjë e lehtë dhe mesatare me shpejtësi 38 km/h nga drejtimi Verior – Veriperëndimor duke krijuar në det dallgëzim 2 – 3 ballë.
Kosova
Pjesa e parë e ditës do të jetë në ndikimin e kushteve të qëndrueshme atmosferike në të gjithë vendin, ku kthjellimet do të jenë më të dukshme.
Por në pjesën e dytë të ditës gradualisht vranësirat do të theksohen në Kosovë, duke krijuar mundësi për shira të pakët dhe të izoluar.
Maqedonia e Veriut
Territori i MV në orët e para të ditës do të jetë në dominimin e motit të kthjellët në pothuajse gjithë vendin.
Por orët e mesditës dhe në vijim pritet që vranësirat kalimtare të shfaqen në të gjithë vendin, ku më të fokusuara do të jenë në zonat Perëndimore duke sjellë dhe reshje afatshkurtra në Jugperëndim të MV.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
