Presidenti i SHBA, Donald Trump, dhe ai i Koresë së Jugut Jae-in Moon do të zhvillojnë mbajnë bisedime në Uashington, mes pasigurisë mbi një samit të planifikuar SHBA-Kore e Veriut.
Javën e kaluar, Veriu tha se mund të anulojë samitin nëse SHBA këmbëngul për shkatërrimin e armëve bërthamore në mënyrë të njëanshme.
Moon do të përpiqet të qetësojë nervat amerikane për të nisur përsëri bisedimet në rrugën e duhur.
Një nga zyrtarët e tij tha se ai "do t'i thoshte presidenti Trump çfarë të priste dhe çfarë të mos priste nga Kim", raportoi agjencia e lajmeve Yonhap.
New York Times raporton se Trump ishte " befasuar dhe zemëruar" nga një deklaratë e një zyrtari të lartë të Koresë së Veriut javën e kaluar që tha se regjimi nuk do të tregtonte kurrë arsenalin bërthamor dhe nuk do të vendoste për një rezultat "të njëanshëm" në samitin e Trump me Kim Jong-un, që do të zhvillohet më 12 qershor.
Zyrtarët e administratës kanë deklaruar në mënyrë të përsëritur se presin që Koreja e Veriut të pranojë çarmatimin e plotë dhe të verifikueshëm dhe të pakthyeshëm në samit dhe se SHBA-të nuk do të pranojnë asgjë më pak.
Koreanët e Veriut kanë shprehur interesimin e tyre për "denuklearizim të plotë" të Gadishullit Korean, por ata e përcaktojnë atë në mënyra të ndryshme, duke përfshirë një proces të ndërsjellë në të cilin SHBA do të tërheqë praninë e saj ushtarake në rajon dhe përfundimisht të gjitha fuqitë bërthamore do të reduktojnë mbështetjen e tyre në arsenalet bërthamore.
BBC raporton se samiti u vu në dyshim kur Koreja e Veriut anuloi bisedimet e nivelit të lartë me Korenë e Jugut të mërkurën e kaluar, duke thënë se ishte zemëruar nga ushtrimet e përbashkëta ushtarake të Seulit me SHBA.
Veriu i quajti ushtrimet një "provokim" dhe një provë për një pushtim.
Pyongyang ishte shumë kritik ndaj Këshilltarit të Sigurisë Kombëtare të SHBA, John Bolton, të cilin e akuzoi për "deklarata të pamatura", pasi ai sugjeroi që Veriu të mund të ndiqte një "model të Libisë" të denuklearizimin.
Kjo ishte një referencë ndaj ish-liderit të Libisë, Muamar Gadafit, i cili pranoi të heqë dorë nga armët bërthamore në vitin 2003. Ai u vra më vonë nga rebelët e mbështetur nga Perëndimi.
Përpara takimit me Moon, nënpresidenti amerikan Mike Pence paralajmëroi liderin komunist që të mos "luajë" me Trump nëse takohen muajin e ardhshëm. Pence tha në një intervistë për Fox News se një veprim i tillë do të ishte një "gabim i madh".
Ai gjithashtu tha se nuk kishte asnjë arsye që Trump mund të largohej nga takimi i planifikuar në Singapor.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
