Presidenti rus, Vladimir Putin, kërcënoi Boris Johnson me një sulm raketor gjatë një telefonate "të jashtëzakonshme" në prag të pushtimit të Ukrainës nga Moska më 24 shkurt. Vetë ish-kryeministri britanik e zbuloi këtë fakt kur u intervistua nga BBC për një dokumentar të titulluar "Putin kundër Perëndimit”.
Kryeministri i atëhershëm tha se Putini i tha atij "një minutë do të mjaftonte".
Është e pamundur të dihet nëse kërcënimi i Putinit ishte i vërtetë, shkruan BBC.
Sidoqoftë, transmetuesi britanik komenton se duke pasur parasysh sulmet e mëparshme ruse në Mbretërinë e Bashkuar - më i fundit ishte në Salisbury në 2018 - çdo kërcënim nga lideri rus, sado i vogël, ka të ngjarë të jetë një kërcënim që Johnson nuk do të kishte zgjidhje tjetër veçse ta merrte seriozisht. Para kërcënimit nga udhëheqësi rus, Johnson e kishte paralajmëruar atë - gjatë një telefonate "shumë të gjatë" në fillim të shkurtit 2022 - se lufta do të ishte një "katastrofë totale" dhe do të çonte në sanksione perëndimore dhe një rritje të trupave të NATO-s në kufij të Rusisë. Johnson gjithashtu u përpoq ta largonte atë duke i thënë se Ukraina nuk do të anëtarësohej në NATO "në të ardhmen e parashikueshme". "Në një moment më kërcënoi duke më thënë: "Boris, nuk dua të të lëndoj, por me një raketë do të duhet vetëm një minutë". Ose diçka e tillë", tha ish-kryeministri për BBC.
"Por unë mendoj se nga toni shumë i qetë që kishte, ai thjesht po luante me përpjekjet e mia për ta detyruar atë të negocionte," shtoi ai, duke komentuar se Putin ishte "shumë informal" gjatë asaj kohe. “Telefonatë e jashtëzakonshme”. Nëntë ditë pas telefonatës, më 11 shkurt, ministri britanik i Mbrojtjes Ben Wallace u takua me homologun e tij rus, Sergei Shoigu, në Moskë. Dokumentari zbulon se Wallace u nis për në Londër me garanci se Rusia nuk do të pushtonte Ukrainën, por tha se të dyja palët e dinin se ishte një gënjeshtër. Një “gënjeshtër”: kështu e ka cilësuar deklaratën e ish-kryeministrit britanik, zëdhënësi i Kremlinit, Dmitry Peskov.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
