Qeveria greke do të vendosë zgjatjen e shërbimit ushtarak të detyrueshëm në forcat tokësore në 12 muaj, nga nëntë muaj sot.
Lajmin e bën të ditur grekja “Kathimerini”, sipas të cilës vendimi është marrë sot gjatë një takimi të Këshillit për Punët e Jashtme dhe Mbrojtjen (KYSEA), që u kryesua nga kryeministri Kyriakos Mitsotakis.
Zyrtarisht, pritet që njoftimi të jepet përmes ministrit të Mbrojtjes Kombëtare, Nikos Panagiotopulos.
Rekrutët që shërbejnë përgjatë kufirit të Turqisë ose në ishujt e Egjeut pritet të përjashtohen nga masa e re.
Të gjithë meshkujve fizikisht të aftë u kërkohet të kryejnë 12 muaj shërbim kombëtar në marinën dhe forcën ajrore.
Shërbimi ushtarak në Greqi është i detyrueshëm për meshkujt nga mosha 19 vjeç.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
