Ministri i Infrastrukturës dhe Energjisë, Damian Gjiknuri ka paralajmëruar sërish mbi operacionin për pastrimin e objekteve të paligjshme nga nyjet dhe akset rrugore kombëtare.
Me anë të një statusi në faqen e tij të ‘Facebook’-ut, ministri theksoi se edhe pak ditë ngelen nga afati që qytetarët t’i heqin tabelat vullnetarisht, pasi më pas do të ndërhyjnë strukturat shtetërore.
“Punonjësit e Autoritetit Rrugor Shqiptar, gjatë verifikimit në terren për dokumentimin e strukturave, objekteve, tabelave dhe aktiviteteve civile e tregtare të vendosura në kundërshtim me Kodin Rrugor. Fotografimi nisi në akset rrugore Tiranë-Lezhë dhe Tiranë-Rrogozhinë. Edhe pak ditë kohë për t’i hequr ato vullnetarisht. Më pas, strukturat shtetërore do veprojnë për të pastruar nyjet e akset rrugore kombëtare”, tha Gjiknuri.
Ndërkohë, punonjësit e Autoritetit Rrugor Shqiptar kanë nisur punën në terren për verifikimin e dokumentimin e strukturave, objekteve, tabelave dhe aktiviteteve civile e tregtare të vendosura në kundërshtim me Kodin Rrugor.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
