Ferrari tha të enjten se do të rrisë çmimet me 10% në disa modele pas 1 prillit, në përgjigje të tarifave të reja të automjeteve amerikane, duke shtuar deri në 50.000 dollarë çmimit të një Ferrari tipik.
Prodhuesi i makinave sportive në Maranello, me bazë në Itali, tha se çmimet do të mbeten të pandryshuara për të gjitha makinat e importuara përpara 2 prillit.
“Kushtet komerciale për tre nga familjet e modeleve të saj Ferrari 296, SF90 dhe Roma, do të mbesin të pandryshuara”, tha kompania në një njoftim.
Megjithatë, modelet më të njohura, duke përfshirë Purosangue SUV, 12Cilindri dhe F80, do të kenë rritje të çmimeve deri në 10%.
Për Purosangue, i cili fillon me rreth 430.000 dollarë, kjo rritje e çmimit arrin në rreth 43.000 dollarë. Për edicionin e kufizuar F80, i cili fillon me më shumë se 3.5 milionë dollarë, rritja do t’i shtojë më shumë se 350.000 dollarë çmimit.
Presidenti amerikan Donald Trump njoftoi të mërkurën tarifa prej 25% për të gjitha makinat që nuk prodhohen në SHBA, ndërsa Ferrari i prodhon të gjitha makinat e tij në fabrikën e tij në Maranello.
Vitin e kaluar, Ferrari prodhoi 13.752 makina. Kompania planifikon të lançojë Ferrarin e saj të parë tërësisht elektrik në muajin tetor.
Është e paqartë se çfarë efekti do të kenë tarifat në shitjet e Ferrarit, pasi tashmë ka një listë pritjeje prej më shumë se një viti për shumicën e automjeteve të saj.
Megjithatë blerësit e Ferrarit janë përgjithësisht mjaft të pasur për të përballuar rritjet e çmimeve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
