Komisioni Qendror i Zgjedhjeve në Kosovë bën me dije se në total për zgjedhjet parlamentare kanë votuar në përfaqësitë diplomatike 70 për qind e votuesve të diasporës, ose përkatësisht 14 mijë e 463 qytetarë.
Në këtë shifër nuk janë përfshirë disa qendra votimi në SHBA, si ajo në Washington, Otavë, Toronto dhe New York.
Ishte hera e parë që misionet diplomatike të Kosovës u kthyen në qendra votimi. Votimet e diasporës është zhvilluar një ditë para mbajtjes së zgjedhjeve parlamentare që do të mbahen nesër në Kosovë. Votuesit më masivë kanë qenë ata të Gjermanisë dhe Zvicrës, dy shtete ku ka më së shumti qytetarë nga Kosova.
Ndërkaq, më shumë se 100 mijë shtetas që jetojnë në diasporë kanë aplikuar për votë nëpërmjet postës, proces ky votimi që ka nisur disa ditë më parë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
