“Ulqini s’është në shitje”/ Qytetarët, protestë kundër privatizimit të bregdetit

Qytetarët në Ulqin janë organizuar në një protestë për të kundërshtuar atë që ata e konsiderojnë si “shitjen e Ulqinit”.

Protesta është organizuar nga Komuna e Ulqinit, e cila kundërshton vendimin e qeverisë malazeze për dhënien e një pjese të bregdetit për investitorët arabë, duke theksuar se nuk janë përfshirë në procesin e vendimmarrjes dhe konsultimeve.

Sipas marrëveshjes së qeverisë malazeze, një pjesë e bregdetit prej 12 kilometrash do t’u jepet këtyre investitorëve për 99 vjet.

Komuna bën me dije se në këtë protestë marrin pjesë përfaqësues të të gjitha partive politike në Kuvendin e Komunës, shoqëria civile nga mbarë trevat, si dhe qytetarë të shumtë.