Një i ri shqiptar humbi jetën në një aksident rrugor në Torino. 29-vjeçari, Bujar Krasnaj, i cili punonte për shoqërinë “Ok Gol”, koncesionari që merrej me mbarëvajtjen e autostradës, u përplas për vdekje nga një mjet tip “Audi A6” gjatë orarit të punës. Ngjarja u regjistrua mëngjesin e kësaj të hëne në autostradën Torino-Frejus, brenda një tuneli. Mediat italiane shkruajnë se automjeti ka hyrë në parakalim brenda tunelit duke goditur karrocën ku po punonte 29-vjeçari shqiptar Bujar Krasnaj.
Aksidenti rezultoi fatal për të riun shqiptar, ndërsa i plagosur mbeti dhe një koleg i tij i punës, i cili është dërguar në spital për mjekim.
Aksidenti shkaktoi dhe probleme në qarkullimin e mjeteve, duke bllokuar autostradën për disa orë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
