Më 25 prill kujtohet Dita Botërore e Malaries. Gjinia, barazia në akses në shëndetësi, të drejtat e njeriut është tema e këtij viti.
Kjo sëmundje jo vetëm që rrezikon drejtpërdrejt shëndetin, por gjithashtu përjetëson një rreth vicioz pabarazie.
“Sëmundja prek në mënyrë joproporcionale ato komunitete dhe grupe sociale që tashmë po përballen me sfida ekonomike, sociale dhe shëndetësore”, thotë platforma e promovuar nga Rbm Partnership to End Malaries nga Organizata Botërore e Shëndetësisë, Unicef, Programi i Kombeve të Bashkuara për Zhvillim dhe Banka Botërore për të koordinuar përpjekjet globale për të luftuar sëmundjen.
Në vitin 2022 u regjistruan 249 milionë raste të reja të malaries dhe 608 mijë vdekje.
Te fëmijët nën 5 vjeç vdes pothuajse 1 fëmijë në minutë, raporton Ansa.
Njerëzit që jetojnë në situata që i bëjnë ata më të cenueshëm, si gratë shtatzëna, të sapolindurit, fëmijët nën 5 vjeç, refugjatët, emigrantët, personat e zhvendosur brenda vendit dhe njerëzit indigjenë, vazhdojnë të preken në mënyrë disproporcionale”, shpjegon Organizata Botërore e Shëndetësisë.
Por fëmijët janë ata që paguajnë çmimin më të lartë.
Pabarazitë në aksesin në arsim dhe burimet financiare e përkeqësojnë më shumë rrezikun.
Fëmijët nën 5 vjeç nga familjet më të varfra në Afrikën Sub-Sahariane kanë pesë herë më shumë gjasa të infektohen nga malaria sesa ata nga familjet më të pasura.
Shtatzënia i bën gratë më të prekshëm ndaj malaries dhe nëse nuk trajtohet mund të shkaktojë anemi të rëndë, vdekje të nënës, vdekje fetale, lindje të parakohshme dhe peshë të ulët të lindjes.
Sipas OBSH, në vitin 2022, 16.2 milionë gra shtatzëna u infektuan me malarie.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
