Ministria e Shëndetësisë vendosi sot mbylljen e klubeve të natës pasi sipas saj janë kthyer në shqetësimin për përhapjen e koronavirusit. Që prej këtij lajmi ka patur reagime të shumta, me të prekurit nga kjo masë, të cilët kanë kërkuar rishikimin e vendimit, pasi prek direkt të ardhurat e tyre në një kohë kur situata ekonomike është larg të parit me optimizëm.
Për këtë arsye, artistë, pronarë biznesesh apo të punësuar në këtë sektor, kanë zhvilluar në orët e pasdites një protestë para kryeministrisë, edhe pse grumbullimet janë të ndaluara. Për këtë raportohet të ketë patur edhe shoqërime në polici.
Ndërkohë pak pas këtyre ngjarjeve një qëndrim për mbylljen e lokaleve të natës ka mbajtur kryeministri Edi Rama. Nëpërmjet një shënimi në faqen zyrtare në rrjetet sociale Rama thotë se me urdhër lokalet e natës kurrë nuk janë hapur.
“E pakonceptueshme që ka njerëz që ngrenë zërin pse ministria e shëndetësisë shtrëngoi masën për klubet e natës e diskot, ndërkohë që hapja e tyre nuk është lejuar asnjë ditë pas rihapjes së madhe! Zoti i ruajtë ata e familjet e tyre prej tyre dhe ruajtë të tjerët nga këto mendje!”-shkruan Rama.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
