Ismail Kadare ka zgjedhur disa fjalë diplomatike kur ka komentuar zgjedhjen e ish ministrit të Brendshëm komunist Gramoz Ruçi në krye të kuvendit.
I ftuar në emisionin Studio e Hapur, Ismail Kadare ka dashur të distancohet nga një përgjigje e drejtpërdrejtë duke ruajtur një asnjëanësi në lidhje me atë që vijon të mbetet një debat i nxitur politik nga ana e opozitës.
“Nuk e kam ndjekur fort mirë kohët e fundit politikën dhe nuk ndjehem mirë përpara publikut të them këtë gjë. Se do thonë njerëzit që mir mo zotëri pse vetëm me fantazitë letrare merresh por nuk kam asnjë interes as me njërën parti as me tjetrën, as kam armiqësi, as acarim, dhe nuk jam në gjendje t’ju jap përgjigje të saktë”-tha Kadare.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
