Shqiptari Dritan Demiraj, në koma prej pothuajse një viti në një spital në Itali, duket se është zgjuar. Mediat italiane citojnë burime spitalore, sipas të cilave, Demiraj mund të hapë sytë e të lëvizë kokën. Megjithatë, mjekët thonë se ai ndodhet në kushte shëndetësore të pakthyeshme.
Demiraj ndodhet në spitalin e Parmës.
Një vit më parë, ai përfundoi në spital në gjendje të rëndë pasi u rrah nga një tjetër i burgosur, në burgun e Parmës, ku vuante dënimin për dy vrasje.
Në vitin 2015, Demiraj është dënuar me burgim të përjetshëm për vrasjen e ish të-dashurës Lidia Nusdordi, ngjarje e ndodhur në stacionin e Mozzates në Komo në 1 mars 2014 dhe të dashurit të saj, Stefano Mannina, ndodhur më 28 shkurt 2014 në Rimini.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
