Grupi për të drejtat e kafshëve “Love Home” filmoi bastisjen më 3 maj në qytetin qendror kinez, gjatë së cilës u gjetën 156 kuti me këlyshë dhe kotele, disa prej të cilëve ishin të ngordhura.
Pamjet skandaloze që u bënë virale në rrjetet sociale tregonin kafshët të cilat ishin kthyer në viktima të manive të blerjeve të “kutive misterioze”.
Por çfarë janë “kutitë misterioze”? Konsumatorët blejnë kuti të vogla me një dhuratë të panjohur brenda. Ding Ying, një profesor i asociuar i marketingut në Universitetin Renmin të Kinës, tha në gazetën shtetërore “People Daily” se “dhurata” brenda kutisë varej nga çmimet që ofroheshin.
Në dhjetor, prodhuesi i kutive misterioze Pop Mart mblodhi 676 milionë dollarë në ofertën e tij fillestare publike. Atë muaj, gazeta shtetërore “China Daily” tha se industria e kutisë së mistershme mund të jetë me vlerë 30 miliardë juanë ( 4.7 miliardë dollarë ) deri në vitin 2024.
Ndërsa shpërndarja e kafshëve të gjalla me postë është e paligjshme në Kinë, ajo monitorohet dobët nga autoritetet , sipas mediave të drejtuara nga shteti.
Disa operatorë të kutive misterioze po shfrytëzojnë atë vend të verbër për të ofruar kafshë shtëpiake që u dërgohen dyerve të konsumatorëve për më pak se 32 juanë (5 dollarë).
Grupet për të drejtat e kafshëve thonë se është mizore për kafshët, pasi jo të gjitha mbijetojnë gjatë udhëtimit te pronarët e tyre të rinj.
"Unë i thashë të riut që shiste kutitë e kafshëve se ai ishte duke fituar para me koston e jetës së këtyre kafshëve," i tha themeluesi i "Love Home", Chen Yunlian.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
