Disa studentë i kthyen shpinën Presidentit amerikan Joe Biden gjatë fjalimit të mbajtur prej tij në Kolegjin Morehouse, në një ceremoni diplomimi. Ky gjest u zgjodh si një formë simbolike proteste kundër mbështetjes së tij ndaj Izraelit në luftën në Gaza.
“Është një krizë humanitare në Gaza, kjo është arsyeja pse unë kam bërë thirrje për një armëpushim të menjëhershëm”, tha Biden.
“Unë e di se kjo zemëron dhe frustron shumë prej jush, përfshirë edhe familjen time,” shtoi ai. Një prej studentëve mbante në duar një flamur të Palestinës, dhe mandej një student ktheu shpinën duke ngritur grushtin lart.
Disa të diplomuar mbanin keffiyeh, shamitë bardh e zi që janë bërë një emblemë solidariteti me kauzën palestineze.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
