Ish-presidenti i Finlandës, Martti Ahtisaari ka rezultuar i prekur nga virusi Covid-19.
Lajmi është publikuar nga zyra e Presidentit të Finlandës, ku përmes një deklarate për mediat theksohet se gjendja e 82-vjeçarit paraqitet e qëndrueshme.
Ahtisaari është një politikan finlandez, Presidenti i dhjetë i Finlandës (1994–2000), fitues i Çmimit Nobel për Paqen dhe një diplomat dhe ndërmjetës i Kombeve të Bashkuara.
Ahtisaari ishte i dërguari i posaçëm i Kombeve të Bashkuara për Kosovën, i ngarkuar me organizimin e negociatave për procesin e statusit të Kosovës, e cila më vonë shpalli pavarësinë e saj.
Në tetor 2008, atij iu dha Çmimi Nobel për përpjekjet e tij të rëndësishme, në disa kontinente dhe mbi më shumë se tre dekada, për të zgjidhur konfliktet ndërkombëtare.
Ahtisaari ka luajtur një rol të spikatur në zgjidhjen e konflikteve serioze dhe të zgjatura, përfshirë ato në Namibia, Aceh (Indonezi), Kosovë dhe Irak.
Më herët zyra e Presidentit të Republikës të Finlandës kishte raportuar për prekjen nga koronavirusi edhe të bashkëshortes së tij, zonjës Eeva Ahtisaari, të shtunën e 21 marsit./NationalPost/
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
