“Do t’u kërkojmë anijeve tona të Rojës Bregdetare të rrinë më afër brigjeve italiane. Në Mesdhe ka shumë vende që mund të ndërhyjnë: Afrika e Veriut, Franca, Spanja, Portugalia etj. Nuk mund të lejojmë që të na sjellin gjysmën e Afrikës në territorin italian”. Kështu është shprehur ministri i Brendshëm italian, Matteo Salvini, në lidhje me emigracionin.
Salvini sheh si masë parandaluese ndërhyrjet për zhvillimin e Afrikës. “Pa armë, por me buzëqeshje dhe ligje, duhen ndërtuar rrugë e shkolla në Afrikë, që t’u bëhet e mundur fëmijëve të tyre të rriten në qytetërimin e tyre dhe të qetë. Po punojmë për këtë”, ka thënë Salvini para gazetarëve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
