Ylli i filmit “Joker”, Joaquin Phoenix, dhe partnerja e tij, Rooney Mara, janë bërë prindër për herë të parë.
Megjithëse ky lajm nuk është zbuluar ende nga çifti, regjisori Victor Kossakovsky e ka konfirmuar këtë. Gjatë Festivalit të Filmit Zyrih 2020, regjisori foli për Phoenix, i cili ishte producent ekzekutiv i dokumentarit “Gunda”.
Victor zbuloi se dyshja është bërë me djalë, madje zbuloi edhe emrin e tij.
“Ai sapo është bërë baba meqë ra fjala. Ka lindur një djalë i bukur i quajtur River”, tregoi regjisori.
Emri është në nder të vëllait të ndjerë të Joaquin, River Phoenix, i cili ka ndërruar jetë në moshën 23-vjeçare, për shkak të mbidozës.
Joaquin dhe Rooney Mara janë së bashku prej 4 vitesh, ndërsa shpallën fejesën në korrik të vitit që lamë pas.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
