Perëndimi duhet t'i tregojë Moskës se qëndron "plotësisht" pas Ukrainës duke sanksionuar gjithçka ruse që mundet, ka thënë sekretari i jashtëm i Britanisë, David Cameron.
Cameron foli në një konferencë shtypi në Londër ndërsa qeveria e Rishi Sunak ka njoftuar për sanksione të reja kundër Rusisë. Komentet e tij u publikuan të premten nga e përditshmja italiane Corriere della Sera.
"Ne do t'i tregojmë [presidentit rus Vladimir] Putin se jemi plotësisht pas Ukrainës: do të ndjekim paratë dhe naftën, do të ndalojmë gazin, do të ndalojmë anijet, do të bëjmë gjithçka që mundemi për të ndaluar makinerinë ruse të luftës dhe t’i tregojmë Putinit marrëzinë e veprimeve të tij”, tha Cameron.
Ai vuri në dukje se Londra ka në target të gjitha kompanitë që bëjnë biznes me Rusinë në mbarë botën. “Ne do të sanksionojmë kompanitë në Kinë, në Turqi, në Kirgistan, madje edhe në Izrael, që besojmë se po furnizojnë Rusinë me materiale me përdorim të dyfishtë”, shtoi ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
