Kryeministri Rama premtoi të premten se Aeroporti i Kukësit do të nisë fluturimet vitin e ardhshëm.
Në një postim në Facebook, Rama ndau disa rendera të aeroportit të ri dhe premtoi se fluturimi i parë do të jetë me pasagjerë të përzgjedhur nga ata që e kanë përqeshur projektin e aeroportit në faqen e kryeministrit:
“[…]vijon intensivisht puna me objektivin që vitin e ardhshëm të ulim “Migjenin” me grupin e parë të pasagjerëve, të cilët do të përzgjidhen mes atyre miqve të kësaj faqeje, të cilët e kanë përqeshur më shumë këtë projekt dhe s’më kanë lënë gjë pa thënë nga Londra.”
Aeroporti i Kukësit i është dhënë me koncesion për 35 vjet bashkimit të kompanive Bami shpk dhe Global Technical Mechanics shpk, dy kompani pa eksperienca të mëparshme në fusha të ngjashme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
