Në takimin që po zhvillohet me gazetarët në Velipojë, kryeministri Edi Rama ka folur edhe për zhvillimet e reja që do të sjellë qeveria. Një nga çështjet më me interes është edhe rritja e pagave, ku Rama ka treguar se rritje do të përfitojnë vetëm mjekët të cilët punojnë nëpër rrethe. Kryeministri u shpreh se në këto 4 vite mjekët do të kenë një pagë me standarde evropiane.
Kategoria tjetër që do të përfitojë rritje page do të jenë ambasadorët e trupit diplomatik, të cilët sipas kryeministrit nuk e kanë me të njëjtat standarde si në vendet e tjera. Ndërsa për punonjës të tjerë nuk do të ketë ndonjë zhvillim të menjëhershëm u shpreh kryeministri. Në fokus të qeverisë këto 100 ditë do të jenë operacionet e fuqishme ku sipas Ramës do të sulmohet fuqishëm informaliteti.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
