Tensionet mes Turqisë dhe Francës janë rritur pas deklaratave të ashpra të presidentit turk, Recep Tayyip Erdogan. Për pasojë, Franca njoftoi se ka tërhequr ambasadorin e saj nga Turqia.
Deklaratat e tij janë të "papranueshme”, bëri të ditur presidenca franceze për agjencinë AFP. Sipas Presidencës franceze, me këtë lëvizje synohet që ankarasë t’i dërgohet një sinjal i fortë.
“Humbja e masës dhe pagdhendshmëria nuk janë metoda”, thuhet në njoftimin e Presidencës franceze. Erdogan duhet të ndryshojë kursin e tij politik, sepse "ai është në çdo kuptim i rrezikshëm”.
Deklarata që acaroi Francën është bërë nga Erdogan të shtunën në kongresin e partisë së tij, AKP, ku Erdogan foli për "shenja shqetësuese të rritjes së armiqësisë kundër islamit në Europë”, si shembull të së cilës mori presidentin Macron, i cili pas vrasjes së mësuesit Samuel Paty një javë më parë i shpalli luftë islamizmit radikal në Francë.
Macron është shprehur në ceremoninë mortore se "ne nuk do të heqim dorë nga karikaturat dhe skicat”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
