Kreu i Prokurorisë së Posaçme, Altin Dumani, gjatë raportimit në Kuvend tha se në 3 vite punë të SPAK janë proceduar 69 punonjës policie.
"Në vlerësimin e institucionit që unë drejtoj ky është një numër i lartë dhe po punojmë për zgjidhje me Policinë e Shtetit”, tha Dumani.
Ai po ashtu bëri me dije se në janar të vitit 2025 do prezantohet strategjia për hetimin e krimeve zgjedhore në zgjedhjet e 2025-ës.
“Ne jemi drejt përfundimit të strategjie sa i takon hetimit të krimit zgjedhor. Do bëhet publike në janar 2025. Synimi ynë është që ne si institucion të kemi krijuar infrastrukturën e nevojshme njerëzore dhe mjetet teknike për hetimin e krimeve të mundshme zgjedhore në 2025-ën”, tha Dumani.
Ai shtoi se “çështja McGonigal është nën hetim” dhe do të jetë në vlerësim të prokurorit të çështjes së kë do thërrasë dhe kur do ta thërrasë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
