Një nga bashkëthemeluesit e Facebook-ut i ka bërë thirrje qeverisë që ta mbyllë Facebook-un pasi pushteti i Mark Zuckerberg-ut është i “i pashembullt dhe anti-amerikan”.
Chris Hughes, i cili ndihmoi në themelimin e Facebook-ut pas takimit me Zuckerberg-un në Universitetin e Harvardit shkroi se:
“Ndikimi i Mark-ut është tronditës dhe nuk krahasohet me askënd tjetër në sektorin privat apo qeveri. Ai kontrollon tri bërthama platformash komunikimi që miliarda njerëz i përdorin çdo ditë: Facebook, Instagram dhe WhatsApp.”
“Është koha të mbyllet Facebook-u.”
Facebook-u ka 2 miliardë përdorues, kurse What-s Up dhe Instagram, nga një miliard secili.
Hughes-i e la Facebook-un në vitin 2007 për të punuar për fushatën presidenciale të Barack Obama-s. Ai e shiti pjesën e tij të Facebook-ut më 2012 për gjysmë miliardë dollarë. Megjithatë ai thotë se ende ndien “zemërim dhe përgjegjësi” ndaj plotfuqishmërisë së kompanisë.
“Aspekti më problematik i fuqisë së Facebook-ut është kontrolli i njëanshëm ndaj të folurit. Aftësia e tij për të monitoruar, për të organizuar dhe për të censuruar bisedën e dy miliardë njerëzve, është e pashembullt”, shkruan Hughes.
Sipas tij, qeveria duhet të marrë masa e të bëhet rregullator i kompanive teknologjike, me krijimin e agjencive dhe të “udhëzuesve të pranueshëm” për të folurin e lirë në media. /Marrë me shkurtime, sipas The Guardian, përgatiti Erina Çoku/
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
