Kryeministri Edi Rama, gjatë fjalës së tij në mbyllje të fushatës elektorale, ka komentuar ngjarjen e rëndë të ndodhur ditën e djeshme në Elbasan, ku mbeti i vrarë mbështetësi i PS-së, Pjerin Xhuvani.
Rama tha se kushdo duhet t’i vërë gishtin kokës për të bërë diferencën mes PD dhe PS.
Edi Rama: Pas gjithë asaj që ndodhi dje në Elbasan, jam më shumë se kurrë krenarë për ju. Ata bëjnë çmos që t’ju lëndojnë, që t’ju dekurajojnë, madje që t’ju poshtërojnë dhe ka Zot sepse ata që i bënë të gjitha ato kundër jush dolën zhveshur, por jo si unë zhveshur se ashtu s’dalin dot.
Por dolën zhveshur në të gjithë përmasën e karakterit të tyre kur pa pasur asnjë pikë turpi pasi e gjithë Shqipëria u trondit nga humbja e një jete, morën përsipër tu thonë shqiptarëve se ata e kanë një grup të armatosur, të shpërndarë kudo, ata e kanë dhe unë besoj që sot kush ende nuk e ka kuptuar diferencën e madhe mes jush dhe atyre mes nesh dhe të gjithë atyre duhet t’i vërë gishtin kokës fort për fëmijët e tij.
Të lësh pas edhe viktima do të thotë që janë njerëz vetëm kur janë brenda autokolonës tënde dhe jashtë saj nuk kanë më vlerë. Ky episod kaq tragjik duhet të bëjë shqiptarët që të zgjohen e të kujtojnë se cfarë i kanë bërë Shqipërisë prej 30 vjetësh.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
