Kancelari gjerman Olaf Scholz ka përjashtuar mundësinë për zgjedhje të parakohshme.
“Ideja e zgjedhjeve të parakohshme, e kërkuar nga liderët e djathtë dhe konservatorë, nuk është konsideruar në asnjë moment, as për një sekondë”, sqaroi zëdhënësi i kancelarit, Steffen Hebestreit, pavarësisht një rezultati të pakënaqshëm nga tre partitë e koalicionit qeveritar, socialdemokratët e kancelarit, të gjelbërit dhe liberalët.
"Data e zgjedhjeve të rregullta është caktuar për vjeshtën e vitit 2025", shtoi zëdhënësi, duke theksuar dallimet e mëdha midis sistemit francez, në të cilin presidenti luan një rol udhëheqës, dhe gjermanit ku i gjithë pushteti ekzekutiv kombëtar është në duart e kancelarit dhe qeverisë së tij.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
