Mot i kthjellët, por i ftohtë/ Si do të jenë temperaturat për sot

Këtë të shtunë orët e paradites do të dominohen nga vranësira dhe shira ku më të dendura do të jenë në zonat veriore dhe veri-perëndimore.

Pjesën e dytë të ditës moti do të paraqitet kryesisht i kthjellët, por shumë i ftohtë.

Temperaturat e ajrit do të pësojnë rënie të lehtë në vlerat minimale, por rënie e ndjeshme e tyre pritet në vlerat maksimale duke luhatur vlerat ditore nga 2°C më e ulëta deri në 14°C më e larta në rang territori.

 Era do të fryjë mesatare dhe e fortë me shpejtësi 60 km/h në sipërfaqen e tokës dhe mbi 80 në det të hapur me drejtim kryesisht, verior duke sjellë në brigjet detare dallgëzim deri në 6 ballë.

Parashikohet që në pjesën e dytë të ditës të ketë depërtim të masave ajrore të ftohtë polare.