Një protestë është zhvilluar këtë të diel kundër projektit të Sheshit të Flamurit në Vlorë, nga shoqëria civile dhe dhjetëra qytetarë.
Nuk kanë munguar në protestë edhe qytetarë nga qytetet e tjera të vendit, kundër tjetërsimit që sipas tyre po i bëhet sheshit historik të flamurit.
Protesta është thirrur nga shoqëria civile, të cilët kërkojnë transparencë për këtë projekt. Sipas qytetarëve projekti po rrënon historinë në një shesh që i përket jo vetëm Vlorës, por edhe gjithë shqiptarëve kudo që janë.
Në protestë është kërkuar transparencë mbi projektin dhe fondet e investimit, por mbi të gjitha mbi faktin se në këtë shesh po rrënohet historia e qytetit të pavarësisë, por edhe e shqiptarëve. Nga protestuesit është kërkuar që protestat të vijojnë deri në kthimin në identitet të sheshit dhe shembjen e objekteve të ndërtuara.
Një tjetër protestë është thirrur në datën 7 prill.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
