Një 47-vjeçar senegalez mori peng një autobus me nxënës në Milano, Itali. Mediat italiane raportojnë se pengmarrësi fillimisht i ka kërcënuar nxënësit me jetë: “Dua t’i jap fund, vdekjet në Mesdhe duhet të ndalen. Nuk shpëtoni të gjallë”, kanë qenë thirrjet e tij. Policia ka mundur të ndërhyjë në kohë, ndërsa fatmirësisht asnjë nga nxënësist nuk u plagosën.
Sapo policia e ka bllokuar autobusin, i dyshuari ka dalë nga mjeti teksa mbante në dorë një çakmak dhe i vuri zjarrin automjetit. Flakët janë shuar nga karabinierët, të cilët e arrestuan autorin e më pas ndihmuan nxënësit që të dalin prej andej me radhë.
Personi që i vendosi flakën autobuzit ishte me dokumente italiane që prej vitit 2004 dhe rezulton të jetë një person me precedentë penalë, për drejtim mjeti në gjendje të dehur dhe dhunë seksuale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
