Lediana Fratari, kandidatja për deputete e PD në listën e Tiranës u shfaq tejet e sigurt për fitoren, pavarësisht se renditet e 34-ta në listë. E ftuar në emisionin “Arnautistan” në MCN TV, Fratari deklaroi se deri më sot nuk ka humbur asnjë garë dhe se kandidimi për deputete është një tjetër qëllim që i ka vënë vetes.
“E di shumë mirë në çfarë gare jam futur dhe jam kaq e bindur në atë që them që do të bëhem pjesë e Kuvendit të Shqipërisë me vota nga elektorati im që do të më mbështesë”, shtoi më tej ajo.
Pjesë nga intervista:
Ju jeni e 34-ta në listën e Tiranës.
Fratari: Po e 34-ta në listën e Tiranës. Me sistemin e ri çdo kandidat ka mundësi,, nëse arrin të marrësh votat ti mund të bëhesh pjesë e qeverisë me votat e elektoratit. Tashmë qëllimi im është të bëhem pjesë e qeverisë. Unë qe i jam futur kësaj gare dhe jam e sigurt që do ta fitoj dhe unë personalisht nuk i futem një gare nëse nuk e kam të sigurt.
Por është një garë dhe mund të humbasësh?
Fratari: Unë gjithmonë do dal e fituar sepse kjo është një garë e rëndësishme dhe një hap i rëndësishëm që unë po hedh në politikë. Deri më sot nuk kam humbur asnjë garë dhe ky është një qëllim që unë i kam vënë vetes. E di shumë mirë në çfarë gare jam futur dhe jam kaq e bindur në atë që them që do të bëhem pjesë e Ku vendit të Shqipërisë me vota nga elektorati im që do të më mbështesë.
Çfarë garash keni fituar ju?
Fratari: Kam qenë dy herë anëtare e këshillit të PD që ka qenë fondacionit Liri për Demokraci, kam qenë pjesë e strukturave ku kam qenë edhe në strukturën numër 5.
Jeni diplomuar në Londër për shkenca politike në BE?
Fratari: PD i ka vënë synim vetvetes që të fusë Shqipërinë në BE dhe është një premtim që më në fund pas 30 vitesh do të arrihet. Unë si kandidate vij nga njësia pesë, por unë garoj në të gjithë qarkun pasi vij nga listat e të përndjekurve politikë. Ne kemi shpalosur planin e PD dhe besoj plani ynë do të përkthehet në votë më 25 prill.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
