Kompania polake e naftës dhe gazit e kontrolluar nga shteti, PGNiG, njofton se do të vazhdojë të paguajë për blerjet e saj të gazit rus sipas kontratës aktuale dhe do të refuzojë të bëjë pagesa në rubla, siç kërkohet nga Moska.
Në një konferencë për shtyp gjatë së enjtes, drejtuesi i kompanisë polake, Pavel Mayevsky, tha se nuk ekziston një mundësi e tillë
Nuk është se pala tjetër mund të ndryshojë mënyrën e rregullimit të pagesës sipas dëshirës. Ne do ta zbatojmë kontratën ashtu siç e kemi nënshkruar.
Presidenti rus Vladimir Putin urdhëroi qeverinë një ditë më parë, që të nxjerrë një direktivë e cila e detyron Gazprom të ndryshojë kontratat e furnizimit me gaz me “vendet armiqësore” në pagesë me rubla.
Përkufizimi “armiqësorë” lidhet me vendet që kanë miratuar sanksione kundër Rusisë për luftën e nisur me Ukrainën.
Sipas Presidentit rus, furnizimi me mallra ruse në Bashkimin Europian dhe SHBA dhe marrja e pagesave në dollarë dhe euro “nuk ka kuptim për ne”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
