Meteorologia Anira Gjoni nga IGJEUM bëri të ditur për "MCN live" se kjo javë do të karakterizohet nga mot i nxehtë, por temperaturat nuk do të jenë aq të larta sa ato të javës së kaluar.
Sipas saj, vlerat maksimale do të arrijnë deri në 34°C, ndërsa temperaturat minimale do të jenë rreth 2 gradë më të ulëta, duke i bërë netët disi më të freskëta.
Kjo javë do të jetë e nxehtë, siç është tipike për muajin korrik, por temperaturat do të mbeten brenda normalitetit klimatik për këtë periudhë.
Maksimumet nuk pritet të kalojnë 34°C, ndërsa netët do të jenë pak më të freskëta krahasuar me javën e kaluar.
Në disa qarqe të vendit mbetet i lartë ‘rreziku për zjarre’, për shkak të temperaturave të larta dhe kushteve të thata.
Sipas parashikimit, rritja më e ndjeshme e temperaturave pritet të rikthehet gjatë javës së ardhshme, kur vendi do të përfshihet nga një valë tjetër e të nxehtit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
