Ministri i Jashtëm serb, Ivica Daçiç tha sot për gazetën beogradase, "Veçernje Novosti" se ministri i Jashtëm i Kosovës, Behgjet Pacolli kohë më parë në Kongo kishte dërguar njeriun e vet me 500 mijë dollarë në mënyrë që ta bindte qeverinë e atjeshme për ta njohur pavarësinë e shtetit të Kosovës”.
Gazeta thotë se në fillim të majit, Pacolli njoftoi se Kongo së shpejti do ta njihte Kosovën, porse “në Beograd kishte arritur shumë shpejt nota e Ambasadës së Kongos, me të cilën ishte përgënjeshtruar paralajmërimi” .
Një konfirmim shtesë se Kongo nuk do të ndryshojë qëndrimin e vet lidhur me këtë çështje, ministri Daçiç, e ka marrë nga presidenti i këtij vendi Félix Tshisekedi, me të cilin është takuar.
Sipas kreut të diplomacisë serbe, i cili ka vizituar shtatë vende të kontinentit afrikan gjatë dhjetë ditëve të fundit, Kongo nuk është adresa e vetme ku Pacolli dërgoi emisarët tij.
Pas bisedave që ka pasur në Tanzani, Togo, Ganë e Svazilend, shtete që e njohin pavarësinë e Kosovës, Daçiçi ka thënë se beson se këto shtete, të paktën, do të jenë të përmbajtura gjatë votimin për anëtarësim të Kosovës në UNESCO e Interpol.
Daçiç ka paralajmëruar se Serbia do të vazhdojë me lobimin për tërheqje të njohjeve të Kosovës pavarësisht presioneve që ka për t’i ndërprerë këto aktivitete.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
