Misioni i NATO-s në Kosovë, KFOR, konfirmoi sot largimin e trupave ukrainas nga Kosova. Zyra për Media e KFOR-it i ka thënë KOHËS se largimi i paqeruajtësve ukrainas nga Kosova është në përputhje me dekretin e Presidentit të Ukrainës, Volodymyr Zelensky, të lëshuar në mars, pas pushtimit rus të Ukrainës.
“Falënderojmë trupat ukrainase për kontributin e tyre të rëndësishëm në misionin e KFOR-it të udhëhequr nga NATO gjatë shumë viteve. Për momentin, kontingjenti ukrainas përfshin 40 trupa. Ukraina ka qenë një kontribuuese e vlefshme në misionin tonë paqeruajtës që nga themelimi i KFOR-it në vitin 1999”, thuhet në përgjigjen e KFOR-it.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
