Në kuadër të organizimeve të Javës së Parasë, një festë mbarëbotërore e parasë, e cila ka për qëllim ndërgjegjësimin e brezit të ri për të marrë vendime financiare të mirëmenduara, sot, Credins bank mirëpriti nxënësit e gjimnazit Qemal Stafa në ambientet e Zyrave Qendrore.
Vizita e nxënësve ishte konceptuar në tre etapa, një prezantim i shkurtër për t’i shpjeguar si të kujdesen për paratë, si të kursejnë, si të mendojnë financiarisht apo si t’i kuptojnë ndryshimet në sistemet ekonomike, znj. Joarda Mema, Përgjegjëse e Sektorit të Zhvillimit të Segmenteve dhe Produkteve, një vizitë në departamentet e bankës dhe bashkëbisedim me drejtuesit e lartë të bankë znj. Monika Milo, zv. Drejtore e Përgjithshme, z. Selman Lamaj, Drejtor i Divizionit të Zhvillimit dhe z. Ardian Angoni, Drejtor i Burimeve Njerëzore dhe për ta përfunduar me një kokteil në Credins Café.
Credins bank në kuadër politikave të saj të përgjegjësisë sociale vazhdon të jetë mbështetëse e aktiviteteve të cilat kanë në fokus brezat e rinj të cilët përbëjnë edhe segmentin më të rëndësishëm për të ardhmen e vendit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
