Biznesmeni më i fuqishëm në Kinë është konfirmuar si anëtar i Partisë Komuniste. Themeluesi i gjigantit të shitjeve online, Alibaba Group Holding, është një nga 100 anëtarët e Komitetit Qendror të Partisë Komuniste të Kinës. Kjo u konfirmua nga gazeta e partisë, ku emri i Jack Ma u shfaq në listën e biznesmenëve që kanë kontribuuar në zhvillimin e vendit. Në këtë listë gjenden edhe emra biznesmenësh të tjerë, kompanitë e të cilëve njihen ndërkombëtarisht si “Tencent Holdings”, “Baidu Inc.” etj.
Vijaqë ndan biznesin me politikën vitet e fundit në Kinë ka ardhur duke u bërë gjithnjë e më e paqartë. Kjo sepse presidenti Xi Jinping ka udhëhequr një fushatë që ka pasur si synim t’i garantojë Partisë Komuniste rol udhëheqës në të gjitha aspektet e shoqërisë.
"Ne po shohim një marrëdhënie gjithnjë e më të ngushtë midis kompanive kryesore të internetit të Kinës dhe qeverisë, sepse qeveria i sheh ato si një nga mënyrat më efektive për të realizuar nismat e saj politike”, citon “Bloomberg” Mark Natkin, drejtor menaxhues i Marbridge Consulting me bazë në Pekin. "Të bëhesh anëtar i partisë do të thotë në thelb të heqësh kapelën para partisë dhe kjo nuk nënkupton domosdoshmërisht ndonjë nivel të lartë angazhimi politik”, thotë ai.
Nën udhëheqjen e Deng Xiaoping-ut, Kina ndërmori një sërë refrmash ekonomike që e larguan nga doktrina tradicionale komuniste, duke i hapur rrugë sipërmarrjes private. Kjo solli një rritje të vrullshme që e bëri vendin ekonominë e dytë më të madhe në botë, prapa SHBA.
Jack Ma është njeriu më i pasur në Kinë me një pasuri prej 38.4 miliardë dollarësh, sipas Indeksit të miliarderëve të Bloomberg.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
