Analiste Anduena Llabani tha në studion e MCN Live se prokurori Olsi Dado që ka hetuar Veliajn, ka qenë dhe prokuror i çështjes së Jorgo Goros dhe se nga telefoni i këtij të fundit janë zbuluar dhe prova për veprime të kryera nga Ajola Xoxës, pasi kishin të dy të njëjtin financier.
Më tej Llabani tha se Veliaj e ka të humbur betejën me SPAK-un dhe drejtësinë.
Ka një detaj që nuk është thënë, fati i keq i Veliajt është që prokurori që ka hetimin e tij Dado ka pasur në hetim Jorgo Goron. Në hetimet që Dado ka pasur, edhe Goro ka kaluar në hetim financiar. Në telefonin e tij janë gjetur komunikime me financën e Goros, që përkon me financën e Ajola Xoxës, dhe në këto komunikime ka prova e fakte të pakontestueshme për veprime financiare që janë kryer nga financa e Ajola Xoxës, dhe aty ajo ka qenë thembra e Akilit mbi të cilën është ngritur hetimi pasuror ndaj Veliajt.
Veliaj e ka ditur që ka hetim. Ka pasur informacione. Kishin filluar të dilnin të dhëna. Kishte filluar të informohej për veprimet e prokurorisë në lidhe me faktin penal.
Nuk e di nëse ka gjykatë në botë që mund t’i japin të drejtë një individi me këto procedime, ose më këto raste që të fitojë të drejtën e tij.
Betejën e Veliajt me SPAK e drejtësinë e shoh të humbur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
