Dy oficerë dhe një besimtar u vranë pasi militantët e armatosur u përpoqën të sulmonin një kishë ortodokse në Çeçeni të Rusisë. Sulmi u pengua nga policia, të cilët qëlluan katër militantë duke i lënë ata të vdekur.
Kisha e Michael Archangel në Grozny u sulmua nga një grup personash të armatosur pasditen e së shtunës, që tentuan të rrëmbenin edhe njerëz.
Komiteti Hetimor i Rusisë tha se dy oficerë dhe një besmitar u vranë në kishë. Militantëve të vrarë iu gjetën thika dhe armë.
Kreu i Çeçenisë, Ramzan Kadyrov, konfirmoi eliminimin e militantëve si rezultat i një operacioni të shpejtë të sigurisë.
Ai shtoi se "ka të dhëna të inteligjencës se militantët morën urdhrin për të kryer sulmin nga një prej vendet perëndimore ".
Mufti Ismail Berdiev, kryetar i Qendrës Koordinuese të Myslimanëve të Kaukazit të Veriut, ka dënuar sulmin, i cili sipas tij kishte për qëllim destabilizimin e situatës në Çeçeni.
"Është bërë me qëllim gjatë muajit të shenjtë, për të destabilizuar situatën. Është muaji i Ramazanit tani. Është koha kur jo vetëm luftërat janë të ndaluara, por edhe gjuha e urrejtjes është e jashtëligjshme", tha Berdiyev për TASS.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
