Ngatërrimi i epruvetave për shkak të emrit të njëjtë është bërë shkak për vdekjen e një pacienti në Itali. Alberto Giacobbi, 76 vjeç, president i Institutit të Historisë së Rilindjes Italiane, ndërroi jetë 3 vite më parë në spitalin ”Pieve di Cadoro” të Belluno-s.
Familjarët kanë hedhur në gjyq mjekët për gabimin që i shkaktoi vdekjen njeriut të tyre të dashur.
Vajza e të ndjerit ngul këmbë se i ati vdiq për shkak të dozimit të gabuar. 76-vjeçari ishte shtruar në spital për hemorragji cerebrale dhe mjekët kishin vendosur ta trajtonin me antikoagulantë.
Por për fatin e tij të keq, në të njëjtin spital ishte shtruar një person tjetër me të njëjtin emër, por me probleme të tjera shëndetësore. Vajza e të ndjerit thotë se pas ngatërresës së kampionëve të gjakut për shkak të emrit të njëjtë, të atit iu dha doza e koagulantit që i duhej dhënë pacientit tjetër, fatkeqësisht shumë më e vogël sesa kishte nëvojë.
Beteja ligjore në gjykatë mes familjarëve të të ndjerit dhe mjekëve, të cilët kanë pranuar ngatërresën, por thonë se kjo nuk ishte faktor përcaktues në vdekjen e pacientit, vazhdon.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
