Në një deklaratë zyrtare, zëdhënësi i Ministrisë së Jashtme të Katarit, Majed al-Ansari, dënoi ashpër sulmin me raketa të ndërmarrë nga Garda Revolucionare Iraniane ndaj Bazës Ajrore Al Udeid.
“Katarit dënon sulmin që kishte në shënjestër Bazën Ajrore Al Udeid,” deklaroi al-Ansari. “Ne konfirmojmë se mbrojtja ajrore e Katarit e pengoi me sukses sulmin dhe arriti të interceptojë raketat iraniane.”
Në vijim të deklaratës, Katari theksoi se do të vijojë të promovojë përpjekjet diplomatike për një "kthim serioz në tryezën e negociatave dhe dialogut", duke bërë thirrje për uljen e tensioneve në rajon.
Baza Ajrore Al Udeid është një pikë kyçe strategjike, ku ndodhet edhe Qendra e Operacioneve të Kombinuara Ajrore, përgjegjëse për komandën dhe kontrollin e forcave ajrore në të gjithë rajonin. Ajo është gjithashtu baza e Krahut të 379-të Ekspedicionar Ajror, krahu më i madh ekspedicionar ajror në botë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
