Një sasi tritoli shpërtheu në hyrjen e një apartamenti të marrë me qira në Elbasan nga dy gra nga Lezha. Banesa ishte në pronësi të një 59-vjeçari, ndërkohë nga shpërthimi u plagos një djalë i ri që banonte në të njëjtin kat.
Gazetari Sokol Bregu tha në studion e lajmeve të MCN Tv se personi që e ka vendosur tritolin nuk ka pasur njohuri të mjaftueshme se si të vepronte më lëndën plasëse.
Sipas Bregut, policia është drejt zbardhjes së ngjarjes së rëndë.
Duke ndjekur mënyrën dhe ikjen e autorit besoj se do të kemi shpejt identifikim të personit që ka kryer këtë vepër penale. Është vepër penale e rëndë. Sido të shkojë, shkon në tentativë vrasje me lëndë eksplozive. Duket që personi që e ka vendosur nuk ka ndonjë dijeni të fortë për lëndët eksplozive. E ka marrë atë dhe nuk ka ditur ta vendosur në mënyrën e duhur sa i përket objektivit që ka pasur, jo për mënyrën si ka vepruar. Objektivi ka qenë në një tjetër banesë, e ka vendosur gabim. Shpërthime me eksploziv duhen persona që kanë ndonjë lidhje. Ai ka bërë vetëm vendosjen fizike ashtu siç e kanë porositur. E ka blerë dhe nuk ka ditur ta vendosë atë për të dhënë një sinjal, por për të mos shkaktuar viktima.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
