Irlanda shtyn kohën e izolimit

Kryeministri irlandez, Leo Varadkar, ka njoftuar se kufizimet për shkak të pandemisë së koronavirusit do të zgjaten deri më 5 maj.

"Çdo sakrificë që ne bëjmë po ndihmon për të shpëtuar jetë", tha Varadkar ndërsa bëri njoftimin në Dublin këtë pasdite.

Vendimi u mor pas këshillave të dhëna nga ekipi kombëtar i urgjencës së shëndetit publik, ndërkohë që kufizimet ishin parashikuar më parë që të hiqeshin këtë të diel.

"Ne kemi qenë në gjendje t'i strehojmë, më të prekurit dhe t'i mbrojmë ata. Sakrificat tuaja po e bëjnë ndryshimin. Kjo ngadalëson përhapjen e virusit në mënyrë të konsiderueshme. Por për fat të keq, ne nuk ia kemi dalë ta ndalojmë përhapjen. Të gjithë njohim njerëz që vuajnë këtë kohë. Shumë kanë vdekur. Dhe për fat të keq më shumë do të vdesin dhe do të sëmuren para se kjo të mbarojë", tha ai, duke u bërë thirrje njerëzve të mos vetëkënaqen apo të humbasin fokusin. Ajo që duket bezdi për disa, do të jetë shpëtimi i jetës për të tjerët", tha Varadkar.

Më 27 mars, Irlanda shtrëngoi kufizimet, duke i urdhëruar njerëzit të qëndrojnë në shtëpi përveç nëse vlerësohet se janë në punë thelbësore ose të marrin sende të tilla si sende ushqimore. Ushtrimi ka qenë i kufizuar në një rreze prej 2 km nga shtëpia e dikujt, thotë “Euronews”.

Irlanda aktualisht ka 6 572 raste të konfirmuara të koronavirusit dhe 263 vdekje. Ministri i Shëndetësisë Simon Harris tha gjithashtu se shkalla ditore e infeksioneve ka rënë nga 33% në 10%.