Netanyahu: Irani pret përgjigjen tonë. Teherani: Gati të përdorim armë që s’janë përdorur më parë

Iranit do t’i duhet të presë me nervozizëm pa e ditur se kur mund të vijë sulmi, ashtu siç e bëri Izraelin të bëjë.

Kështu tha kryeministri izraelit Benjamin Netanyahu.

Sakaq nëse Izraeli do të reagonte ndaj sulmit të së shtunës së kaluar, përgjigja e Iranit do të jetë e menjëhershme, më e fortë dhe më e gjerë, deklaroi ministri i Jashtëm iranian Hossein Amir-Abdollahian.

Komiteti i Sigurisë Kombëtare i Parlamentit iranian, Abolfazl Amouei, tha se Teherani ishte “gati të përdorë një armë që nuk e k përdorur kurrë më parë”.

Në të njëjtën deklaratë, Amouei tha se Izraeli duhet të marrë parasysh hapat e tij të ardhshëm dhe “të veprojë me mençuri”.

Shtetet e Bashkuara të Amerikës besojnë se përgjigja e Izraelit ka të ngjarë të jetë e kufizuar dhe mund të fokusohet në objektiva kyçe jashtë Iranit.

Katër zyrtarë amerikanë i thanë NBC-së, se mungesa e dëmeve serioze të shkaktuara nga Teherani mund të bëjë që Jerusalemi të kërkojë një përgjigje më pak agresive.