100 njerëz kanë humbur jetën dhe 150 të tjerë u plagosën në Irak pasi një sallë ku po zhvillohej një ceremoni dasme në fshatin Hamdaniyah u përfshi nga zjarri.
"Autoritetet shëndetësore në Nineveh, provinca ku ndodhet Hamdaniyah, kanë regjistruar 100 të vdekur dhe më shumë se 150 të plagosur nga zjarri në një sallë dasmash në Hamdaniyah ", njoftoi agjencia zyrtare irakiane e shtypit INA, duke iu referuar një vlerësimi paraprak.
Zëdhënësi i Ministrisë së Shëndetësisë Saif al-Badr konfirmoi këtë raport për AFP.
Zjarri shkaktoi rënien e pjesëve të tavanit, për shkak të përdorimit të materialeve ndërtimore shumë të ndezshme dhe të lira.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
