Artisti Ruzhdi Keraj foli sot nga emisioni “Arnautistan” në MCN TV edhe për piktorin Jakup Keraj. Duke e cilësuar si emblemë të familjes, Ruzhdi Keraj tha se piktori nuk është vlerësuar për atë që ka merituar vërtetë.
Sipas tij Jakup Keraj është luftuar nga pushteti i asaj kohe pasi kishte potenciale të tjera dhe ishte ekzemplar i pikturës shqiptare.
“Unë jam rritur me Jakupin, e kam pasur emblemë të familjes. Ai ka qenë disa vite më i madh se unë. Shkruajta për Jakupin një monografi artistike. Ai ishte artist që kishte penelin jo fjalën, aty fliste. Të gjitha pikturat e tij flasin sytë. Jakupi asnjëherë nuk është respektuar aq sa e ka merituar. Ai është luftuar nga pushteti, nga partia, nuk i lanë liri potenciale për tu shpreh. Jakupit ajo parti dhe ai pushtet i futi frikën, kishte tjetër mundësi shpërthimi, ai ishte ekzemplar i pikturës shqiptare. Një potencial të tillë të madh rrallë ka për ti ardhur këtij vendi. Ai ekspozonte vetë atë që duhej të ekspozonte. Familja e tij ka një numër të madh pikturash”, tha Keraj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
