Deputeti i Partisë Demokratike Xhelal Mziu tha në studion e MCN Live se sulmi ndaj avokatit Sokol Mëngjesi është një veprim i ardhur për shkak të një angazhimi maksimal të mazhorancës që e ka targetuar Berishën si kriminel lufte.
Është ngjarje shumë e rëndë, aq me tepër e ndodhur jo vetëm ndaj një avokati, por një personaliteti në fushën akademike. Nuk të jep mundësi për të krijuar alibi për arsye të ndryshme, e shoh si reagim apo produkt i ardhur për shkak të një angazhimi maksimal të kësaj mazhorance që e ka targetuar Berishën si kriminel lufte. Nëse nuk është një segment i caktuar me patjetër është një përfaqësim i kësaj urrejtje ndaj Berishës. E papranueshme. Këtu të shkon mendja se nëse do të ishte një avokat tjetër, s’ do e thoja. Është e papranueshme një sjellje kaq brutale ndaj një ish-kryeministri, që akuzohet për diçka, por që nuk ka ndodhur asnjë herë. Urojmë që ngjarja të zbardhet, që jo vetëm personat, por edhe prapavija të marrë përgjegjësinë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
