Zgjedhjet për kreun e ri të PD-së, vendosen afatet për kandidatët

Komisioni i Organizimit dhe Kontrollit të Operacioneve Elektorale ka bërë me dije se janë vendosur 4 ditë afat për dorëzimin e dokumentacionit të atyre që duan të kandidojnë për kreun e ri të PD.

Zgjedhjet për kreun e PD, me vendim të Kuvendit Kombëtar të 30 prillit do të mbahen në 22 maj. I vetmi që e ka pranuar publikisht që do të garojë për kreun e ri të PD-së është Sali Berisha.

Njoftimi i plotë: Komisioni i Organizimit dhe Kontrollit të Operacioneve Elektorale

Në bazë të Statutit të PDSH dhe Vendimit Nr. 2 të Kuvendit Kombëtar të PDSH, të dt. 30 prill 2022, Komisioni i Organizimit dhe Kontrollit të Operacioneve Elektorale njofton:

Afati i paraqitjes së kandidaturave për Kryetar të PDSH është dita e shtunë, datë 7 maj 2022, ora 12.00.

Dokumentacioni dorëzohet pranë Komisionit Organizimit dhe Kontrollit të Operacioneve Elektorale në Partinë Demokratike dhe përban:

1. Kërkesë me shkrim, shfaqje interesi përkandidim;

2. Curriculum Vitae;

3. Formularin e plotësuar të pastërtisë së figurës.