Avioni i pasagjerëve i nisur nga Azerbajxhani i cili u rrëzua këtë javë në Kazakistan u godit nga territori rus.
Kështu deklaroi presidenti i Azerbajxhanit, Ilham Aliyev, pas bisedës që pati me liderin rus, Vladimir Putin.
“Faktet janë se avioni i pasagjerëve azerbajxhanas u dëmtua nga jashtë në territorin rus, afër qytetit të Grozny, dhe pothuajse humbi kontrollin. Ne dimë se sistemet e luftës elektronike e nxorën avionin tonë jashtë kontrollit”, tha Aliyev për mediat shtetërore.
Në të njëjtën kohë, për shkak të zjarrit tokësor, bishti i avionit u dëmtua rëndë.
Aliyev akuzoi Moskën se po përpiqej të fshehë shkakun e rrëzimit dhe i bëri thirrje Rusisë të pranojë fajësinë për katastrofën.
Në intervistën me median shtetërore, Aliyev tha se qeverisë së Bakut i vinte keq që Moska paraqiti teori që “tregonin qartë se donte të fshihte ngjarjen n”.
Pranimi i fajit, kërkimi i menjëhershëm i faljes ndaj Azerbajxhanit, i cili konsiderohet një vend mik, dhe informimi i publikut për janë masat dhe hapat që duhej të ishin ndërmarrë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
